ومعانا نجم الاسبوع 3ala baly

ابتدي انا

بالاسئله



اممممممم

كلمنا شويه عنك
؟

يعنى بتحب ايه بتكره ايه
كل حاجه تحب نعرفها عنك قولها؟

أولا ..
ايه ده انا نجم الأسبوع من السبت للخميس بس ؟؟؟ ماشي يا دودي بس لما أشوفك.
ثانيا ...
انا مش بعرف أتكلم عن نفسي كده .. انا أشوف الأسئلة وأجاوب ...

أكتر حاجه بحب أعملها ..... ممممم .... أفتكر حبيبي الأولاني وازاي كنت ببقي سعيد وانا بشوفه.
ازاي أخرج نفسي من حالة الحزن ؟؟؟ أسيب نفسي كده خااااااالص لحد ما أنسي لوحدي .. لكن مش بحب أفرفش وأنسي كده فجأة .
مواصفات فارسة أحلامي ... مممم .. , مؤدبة , شعرها جمييييل ( ناعم وطويل إلى حد ما ) , دمها خفيف , رقيقة , هادئة , رومانسية , جميلة , والأهم من ده كله انها تكون بتحبني

1- أكبر غلطة في حياتي ...
اني
خليتك
تسأليني
الأسئلة
الصعبة دي
2- يا نعيش مع بض حبيبي يا نموت احنا الإثنين .. أقولها .. أقولها .. أقولها ل أليسا
3- أحسن سنة كانت ليا ... 2005 ( كنت في أولى ثانوي ) وليه ؟؟ علشان فيها
اتعرفت على أجمل بنوتة عرفتها في الدنيا ..
وكمان
عرفت ناس عمري ما هنساها.
4- طبعا الكرامة أهم من الحب وليه ؟؟ لأن لو الحب مات .. ممكن يتولد حب جديد والحب الأول ننساه ...
لكن لو الإنسان اتخلى عن كرامته مرة واحده بس ..... كل سنة وانتي طيبة.

5- الحياة بالنسبة ليا عبارة عن .. شوية أحزان وشوية أفراح كده فوق بعض .. بس الأحزان أكتر من الأفراح.
6- نيك نيم .. ميدو .

7- اتولدت في مصر .
8- تاريخ ميلادي 25/2/1990 .
9- نفسي أعيش في .............................................. مصـــــــــــــــــــر.
10- عدد أولادي يكون ... زي ما ربنا يريد ... ممكن عشرين ,, وممكن ولا واحد ( معرفش لسه )


11- اسم أول ولد ............ أحـــــــــــــمد (ان شاء الله ).
12- اسم أول بنت ............... فـــــــــــــــرح (ان شاء الله ).

وكفايه عليك اسئله دلوقتى

بس ليا عووده

انهى افضل صداقه النت ولا الواقع؟؟؟!!!

ما هي أغلى نصيحه سمعتها وأثرت فيك ؟؟

ياترى لمين تقدر تقول اسرارك صديقك او حبيبك؟؟؟

اولا احب اقول انك منور قسم نجم على الهوا
ثانيا بقا الاسئله
مممممممممم
ايه هوا طموحك او هدفك في الحياه؟

حققت ايه منو؟

ايه اصعب موقف محزن اتحطيت فيه وايه اصعب موقف محرج اتحطيت فيه؟


وكفايه عليك كده المره دي

ليه انت بعدت سنتين عن اصحابك ......
ليه بتحب تبعد عن حبايبك ............
ليه دايما حابب تكون وحيد ...........
مع ان انت دايما عايز حبايبك جنبك .......
جاوب ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

وأنا بشارك حنين الذكريات في أسألته وأزيد سؤال واحد بس
كيف وصلت لقلوب البنوتات الرقيقة دي؟

س : تقدر تتحمل دموع بنت تنزل بسببك؟؟



هاتقول ايه ساعتها

هتفرح من نفسك عشان عرفت معزتك عندها اما بكت بسببك

ولاهتدايق على دموعها الغاليه دى

ولا هتقول عليها طفله كل شويه بتبكى

ج :1- انا عمري ما خليت بنت تبكي بسببي .. انا مش قاسي أوي كده .
2- وهزعل ليه .. هي أصلا مبكتش .
3- وهي فين أصلا دموعها علشان أتضايق هيا مبكتش أصلا .
4- وهقول عليها طفلة ليه .. هي مبكتش أصلا ( بس لو كان حصل وبكت ..
هقولها " سامحيني " .

س : انهى افضل صداقه النت ولا الواقع؟؟؟!!!

ما هي أغلى نصيحه سمعتها وأثرت فيك ؟؟

ياترى لمين تقدر تقول اسرارك صديقك او حبيبك؟؟؟

ج : 1- لا طبعا صداقة الواقع أفضل ( صديق النت مستحيل يكون أقرب منك من صديق الواقع ).
2- أغلى نصيحة أثرت فيا ..... ( من طلب العلا سهر الليالي ) فعلا اي حد نفسه يحقق حاجه لازم يتعب أوي أوي علشان يحققها .
3- انا أفضل إني أقول أسراري لصديقي .. لأن حبيبي ممكن في يوم من الأيام نسيب بعض ( الظروف كتير ) لكن صديقي مش هيتخلى عني .

س: ايه هوا طموحك او هدفك في الحياه؟

حققت ايه منو؟

ايه اصعب موقف محزن اتحطيت فيه وايه اصعب موقف محرج اتحطيت فيه؟


وكفايه عليك كده المره دي.

ج: أولا ميرسي أوي يا نجمة على مرورك وبعدين المنتدي منور بأهله .
1- هدفي في الحياة ..الأهداف كتيييييييير والطموحات كتير لكن عموما الهدف الأساسي أتخرج من الكلية و أتجوز بنوتة جميلة وبتحبني ويكون عندي ولد وبنت زي القمر وأكون محبوب من الناس كلها ..... والهدف الأسمي حب ربنا وكمان أدخل الجنة .
2- للأسف لسه محققتش حاجه .. (انا لسه 18 سنة) لكن الهدف الأسمي .. مش عارف حققته ولا لا ..
3- أصعب موقف محزن اتحطيت فيه ( فراق الأحباب ) سواء كان وفاة أو سفر . .. وأصعب موقف محرج .... طويل أوي مش هقدر أحكيه هنا .

س: حبيت كام مرة ؟

مين الصديق الحقيقي فى نظرك؟ وايه مفهوم الصداقه عندك سواء ولد او بنت؟

مين الشخص الى بتهديلة بوكية ورد ؟

ومين الشخص الى بتهديلة باقة شوك ؟

ومين الشخص نفس تشوفة حاالا ؟
ج: ميرسي أوي يا دلوعه على مرورك .. وأبتدي رحلتي في الإجابة على أسئلتك :-
1- حبيت مرة واحده بس.
2- الصديق الحقيقي في نظري .. اللي يحس بيك يفهم انت حاسس بإيه وعايزايه لما يبص في عينيك .. تلاقيه دايما معاك في حزن أو فرح ... يزعل لزعلك ويفرح لفرحك .. ومفهوم الصداقة سواء ولد أو بنت هو تقريبا نفس إجابة السؤال ده .
3- الشخص إلي أهديله بوكيه ورد مديرة المنتدي ( دودي ) علشان اختارتني الأسبوع ده في نجم على الهوا . .. ( ميرسي يا دودي ) .
4- الشخص اللي أهديله باقة شوك ... ( صديق خاين ) .
5- الشخص اللي نفسه أشوفه حالا ....... ( حبيبي الأولاني ) .

بما انك شكلك متعلق بحبيبك الاولانى وصعب تنساه معاك حق فى كده
بس لو قابلت حب تاني ولاقيت حد بيحبك وبيخاف عليك اووى ويتمناك من قلبه فعلا
ايه موقفك؟

وياترى هاتعمل ايه عشان تنسى الحب القديم؟

س: مين اكتر ناس بترتاحلهم ؟

ايه هواياتك؟

ج: 1- أكتر ناس برتاح ليهم .. أصحابي .
2- هواياتي ( الكمبيوتر والإنترنت - قراءة القصص الرومانسية وخاصة الإنجلش - البيلياردو - والطبيخ ... ( علشان بس انا قاعد لوحدي ومحدش بيطبخ لي ) أهلي كلهم برة مصر .

س : ليه انت بعدت سنتين عن اصحابك ......
ليه بتحب تبعد عن حبايبك ............
ليه دايما حابب تكون وحيد ...........
مع ان انت دايما عايز حبايبك جنبك .......
جاوب ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ج : أولا أجمل بوسة رقيقة على أجمل خد لحبيبي حنين الذكريات .
ثانيا : 1- بعدت سنتين عن أصحابي غصب عني وإلا لو كان عليا انت عارف انا مش بقدر أبعد عنهم ثواني .. وبعدين انت عارف انا كنت بعيد بجسمي بس لكن معاهم بروحي وهما كمان .
2- عمري ما حبيت أبعد عن حبايبي ( حد يحب يبعد عن حبايبه ؟؟ ) وإلا بقي يبقوا أكيد مش حبايبه .
3- بحب أحيانا أكون وحيد ... مممم علشان بحب أفتكر الذكريات حلوها ومرها وأد ايه اليوم الحلو اللي بيفوت بيكون صعب أوي يرجع تاني .

وأنا بشارك حنين الذكريات في أسألته وأزيد سؤال واحد بس
كيف وصلت لقلوب البنوتات الرقيقة دي؟

ج : أولا نورت المنتدي ويارب نستفيد ونستمتع بموضوعاتك ومشاركاتك ,

ثانيا :- وصلت لقلوب البنوتات الرقيقة دي بالحب ... بالحب تقدر توصل لقلب أي شخص سواء كان بنت أو ولد ( يعني باختصار : هتحب الناس .. الناس كلها هتحبك ). وبعدين انت سألت انا وصلت لقلوب البنوتات دي ومسألتش انا وصلت لقلب حنين الذكريات ازاي ؟؟؟؟؟؟؟

س: اية الحاجة الى بتعملها وعار ف انها غلط؟
اية الحاجة الى عملتها وندمان عليها لحد ناااو؟

بتعمل ايه لما تتعصب؟ وهل انت عصبي ؟

ايه اكتر اغنية بتحبها[b]؟وبتحس انها انت بتعبر عنك؟؟؟؟؟؟

ج : 1- انا عمري ما عملت حاجه وعارف انها غلط ... لو عملت حاجه وعرفت اني غلطت لما عملتها مش بعملها تاااااااااني .
2- سؤال صعب أوي .. بس يمكن الحاجه اللي عملتها وندمان عليها لحد دلوقتي اني حبيت بدري .
3- لما أتعصب بحاول أبقي لوحدي علشان مزعلش حد مني . وانا مش عصبي خااااااااالص مش بتعصب إلا قليل أوي .. في الحاجات اللي تستاهل إني أتعصب عشانها .