لكل بنت من قلبي....

اكيد ده حلم اى بنت لسه خارجه من بهدله ايام الثانويه
اكيد نفسها تعيش حياتها , نفسها بجد تفرح , نفسها تبقى بنوته style وتعيش انوثتها , نفسها اكيد بردو تقابل فارس احلامها , وده كله طبيعى لاى بنت فى سنها جواها طاقه كبيره اوى ,,,, حيويه وشباب ونشاط وعاطفه وحب ..... اكيد عايزه تعيش بيهم ايام الجامعه اللى متتعوضش ....
لكن يا ترى عيشه الفراغ وقعدات الجناين وشلل الشباب والبنات هى طريق راحه بالها وسعداتها !!!!!!!
يا ترى لو قضت سنين الجامعه ما بين المكياج والخروجات وقعدات الاصحاب تبقى خرجت من الجامعه وهى راضيه ومبسوطه !!!!!!!!!!!!
يا ترى لو عاشت من غير طموح ومن غير هدف , من غير ما يبقى نفسها تذوق طعم نجاح هتقدر تمشى معتزه بنفسها رافعه راسها !!!!!!!!!!!!!!!!!!
حبيبتى انا حاسه بكل اللى انتى نفسك فيه ومريت بنفس احلامك وعملت اللى انتى عاوزه تعمليه لكن من جوايا مكونتش مبسوطه ..... مكونتش بضحك من قلبى ... مكانش بالى مرتاح .... مكنتش واثقه من نفسى كنت دايما حاسه انى بدور على حاجه بس مش لاقياها ... حاسه ان فيه حاجه غلط
وفى وسط كل دا كنت بلاقى بنات زمايلى صمموا يكملوا مشوار كفاحهم
حاولوا فى الثانويه وفى منهم حقق حلمه وفى منهم محققش .... لكن صمموا يكملوا ,,,,, مكانش حلم اوائل الدفعه بعيد عن بالهم ولا حلم التعيين فى الجامعه غايب عن تفكيرهم ... مسمعوش كلام اللى قالهم امتياز ده مستحيل ... يارب مقبول ونعدى !!!!!!!!!!!
قلت لنفسى انا هتعقد كمان فى الكليه ؟؟؟؟؟؟؟؟؟؟؟؟؟؟؟؟؟؟؟؟؟
امال هعيش حياتى اكتى ؟؟؟؟؟؟؟؟؟؟؟؟
فوجئت ان عندهم بردو خروجاتهم وفسحهم وفرحتهم
قولت لنفسى الدراسه مش كل حاجه وحتى لو مكانش ليا مستقبل فى دراستى ادينى هتجوز ومش هصؤف على نفسى !!!!!!!!!!!
بصيت لاقيت فى عيونهم امل عجيب وعلى وجوههم راحه البال اللى بحيم بيها ,,,,,,,,, ماشيين ما بين ثقه وسعاده وحب وامل ,,,,,, بصيت لاقيتهم عالخير دايما متجمعين وبحب ربنا دايما ملمومين ........ حسين ان ليهم قيمه بالبلدى كده ناس ليها لازمه فى الدنيا ......
تلاقيهم فى حلقه قران بتحوطهم الملايكه او فى دار ايتام وربنا بينظر ليهم نظره رحمه
لما لاقيت بجد السعاده فى عيونهم والحب الحقيقى اللى مجمعهم ... حسيت بالفرق بين حالى وحالهم احنا الاتنين بنتين دخلنا الجامعه فى وقت واحد وفى ظروف واحده وبمشاعر واحده وبحلم واحد
لكن واحده فينا عرفت ازاى توصل لسعاده قلبها الحقيقيه ,,, عرفت تمشى الطريق الصح ,,, وفضلت ماشيه فى الطريق وقلبها موصول بخالقها , متلاقيهاش فى مكان ربنا مش راضى عنه ولا تلاقيها بتعمل اعمال ربنا نهى عنها .. وفى نفس الوقت كل حياتها طموح وامل دنيا واخره , كل حياتها حب وخير بتحطه فى محله , فبقيت ماشيه مبسوطه طايره على الارض من فرحتها
وواحده تانيه فضلت تايهه تخبط يمبن وشمال , بتدور عالسعاده من ابواب تقطع صلتها بخالقها وتموت فى قلبها كل احساس بسعاده او راحه ....
مش هكدب عليكى ..فى الاول فعلا بتحسى انك مبسوطه مع الشله والجنينه والنادى والاغانى لان دى وظيفه ابليس انه يوريكى الحرام جميل والحلال خنيق..
لكن بعد فتره بجد هتلاقى قلبك اتخنق من كتر الحرام لان الانسان جسم وروح ولما تسمعى الاغانى ولا تقعدى مع فلان فى النادى انتى كده بترضى الجسم لكن الروح ملهاش غير غذاء واحد هو طاعه الله .. والله يا حبيبه قلبى صدقينى هتيجى بعد فتره تحسى انك مخنوقه رغم ان هيبقى عندك شله تحفه وشاب طول النهار مغرقك بكلام الحب وعربيه الاغانى فيها على اعلى صوت بس هتلاقى نفسك زهقتى .....
والله بنصحك ومن قلبى لانى خايفه عليكى ومش عاوزاكى تغلطى غلطتى .....
حبيبتى ابداى صح واعرفى انك بدخولك الجامعه انتى قدام طريقين , وقدامك الخيار,,,,,,
لكن يا ترى هتبعدى .... يا ترى هتخلى اللى انتى عايزاه فوق اللى ربنا عايزه منك ,,,,,,
احنا بجد من غير عون ربنا لينا ولا حاجه نسوى ايه ؟؟؟؟؟ احنا اللى مش مالكين حتى انفاسنا , مش عارفين لو نمنا النهارده هنصحى تانى ولا مش هنصحى ؟؟!!! مش عارفين لو خرجنا من بيتنا راجعين ولا مش راجعين ؟؟؟؟!!!!!!!
مبنلاقيش حد جنبنا فى اى ازمه غيره ولما بينجينا منها بننساه ؟؟؟؟؟؟؟!!!!!
ربنا خلقنا وعارف فين تكون راحه قلوبنا ... وعمرك لو لفيتى الكون علشان تلاقيها مش هتلاقيها فى معصيته بجد عمرك ما هتحسيها ......... هتضحكى وهتمرحى وهتتفسحى لكن صدقينى وانتى مخنوقه ,,,,,, هتعيشى بجد فى وهم وفى الاخر يطلع ولا حاجه .......
خدى بالك من نفسك عيشى حياتك وافرحى واعلمى كل الى نفسك فيه بس يبقى كله حلال


فى الطريق اللى ربنا رسمهولك ... ولما ربنا يرسملك حاجه يعنى عارفه انها مصلحتك لانه هو الرحيم بعباده ...........
وربنا يعينك ويثبتك وييسرلك ويعينك ......... اوعى تقطعى قلبك عنه مهما بعدتى
خليكى موصوله بيه حتى لو بتعصيه وادعيه يقدرك على نفسك ويقدرك على طاعته
واحنا فى رمضان... يعنى اكبر فرصه قدامك للتغيير .... رمضان مفيش شياطين .....
رمضان ابواب الجنه مفتوحه وابواب النار مقفوله ... رمضان دعوه الصائم مستجابه ..
تفتكرى فى فرصه احسن من كده علشان تبداى الطريق الصح ؟؟؟؟؟؟؟؟؟؟؟
يلا بينا كلنا نلحق اللى باقى من رمضان .......
قوليله يارب جتلك بقلبى ومنايا اوصلك .....انا يارب ضعيفه ولوحدى مقدرش ........ قوينى بيك وارفعنى ليك ......
ادعى وقولى يارب قلبى بايدك انت بس....... يارب صلحلى قلبى ........ يارب شيل حب الدنيا من قلبى .....
يارب املى قلبى بحبك يارب حببنى فى القرآن ......... يارب اهدينى لطريقك اللى آخره جنتك .....يارب.....يارب ........يارب